2011-10-14
Barama Mobil Marketinq layihəsini elan edir.

Azercellin Barama layihəsində tamamilə yeni bir istiqamət elan edilir – mobil marketinq.  Yeni proqrama başlanmasının məqsədi mobil marketin sahəsində dünya təcrübəsinin izlənməsi, bu sferadakı yeniliklərin öyrənilərək tətbiq edilməsinə yardımçı olmaqdır.

Gənclər Mobil Marketinq-dən nə faydalar götürəcəklər:

• Öz biliklərini real olaraq tətbiq etməklə təcrübə qazanacaqlar,
• Mobil Marketinq araşdırmaları edib, yeniliklər təklif edəcəklər,
• Öz ideyalarını reallaşdırmaq imkanı əldə edəcəklər
• Uğurlu ideyalar təklif etdikləri təqdirdə, İdeyanın reallaşdırılmasından əldə ediləcək mənfəətdən 5-10% intervalinda bonus əldə edəcəklər.
• Ən əsası isə burada qazanılacaq təcrübə iştirakçılara öz gələcək Mobil Marketinq şirkətlərini qurmaq üçün stimul olacaq.

Mobil Marketinq layihəsində iştirak etmək istəyənlər üçün tələblər:

• İştirakçı yaradıcı, təşəbbüskar, yüksək motivasiyalı və öz qabiliyyətinə güvənən olmalıdır.
• Marketinq, kommersiya, biznes və idarəetmə ilə bağlı iqtisadi biliklərə malik olmalıdır.
• Satış təcrübəsi və satış qabiliyyəti olanlara üstünlük veriləcək.
• Gündəlik vaxtının müəyyən hissəsini bu layihəyə sərf edə bilməlidir.
• Bu işdə ona səmərəli olacaq əlaqələri olmalıdır.
• Mütəmadi aylıq maaş ilə deyil, bonus ilə işləməyə hazır olmalıdır.

Bu unikal təcrübə proqramında iştirak etmək istəyənlər öz CV-ni Barama layihəsinin barama@azercell.com ünvanına göndərə bilərlər. Proqrama hər biri fərdi şəkildə çalışacaq 5 nəfərin seçiləcəyi gözlənilir. Əgər gələcəkdə onlardan hər hansı bir iştirakçı layihəni tərk edərsə, onda ehtiyat namizədlərdən biri  layihəyə cəlb ediləcək. Layihənin uzunmüddətli olacağı nəzərdə tutulub.